డిట్రాయిట్ తెలుగు సాహితీ సమితి పదవ వార్షికోత్సవ వేడుకలు

అమెరికాలో ఉంటున్న తెలుగు సాహిత్యాభిమానులందరికీ ఆహ్వానం

డిట్రాయిట్ తెలుగు సాహితీ సమితి
పదవ వార్షికోత్సవ వేడుకలు
సెప్టెంబరు 20, 21 (శనాది వారాలు)

ఆచార్య వెల్చేరు నారాయణరావు, ఆచార్య వేమూరి వేంకటేశ్వరరావు, ఈమాట ప్రధాన సంపాదకులు వేలూరి వేంకటేశ్వర రావు, తెలుగు నాడి ప్రధాన సంపాదకులు జంపాల చౌదరి, కథకులు ఆచార్య ఆరి సీతారామయ్య, కవులు విన్నకోట రవిశంకర్, కన్నెగంటి చంద్ర, వెంకటయోగి నారాయణస్వామి మొదలగు వారితో వివిధ తెలుగు సాహిత్యాంశాలపై ఉత్తేజ కరమైన చర్చలు.

వీరేకాక అమెరికా నలుమూలల నుండీ (బహుశా కెనడా నుండి కూడా) రచయితలు, కథకులు, కవులు పాల్గొంటారు.

తొలిసారిగా ఒక తెలుగు సాహిత్య వేదికపై తెలుగు బ్లాగులకి పెద్దపీట.
ఒక పూర్తి సెషను తెలుగు బ్లాగు సాహిత్య చర్చకోసం.
తెలుగు బ్లాగరులందరికీ ప్రత్యేక ఆహ్వానం.


మిమ్మల్ని ఈ సందర్భంగా కలిసే అవకాశం వస్తుందని ఎంతో ఆశతో ఎదురు చూస్తుంటాను.

Comments

Anonymous said…
ఈ వివరాలు తెలియజేసినందుకు చాలా నెనర్లు. అక్కడ వ్యాఖ్య ఎలా రాయాలో తెలియక ఇక్కడ రాయవలసి వస్తోంది. (క్షమించవలెను) మీ అనౌన్సుమెంటులో "తెలుగు చదవండి, చదివించండి, మాట్లాడండి" అన్నారు. తెలుగులో రాయమని గానీ, అందులోనూ తప్పుల్లేకుండా రాయమనిగానీ ఎక్కడా ఉటంకించలేదు కదా, అయినా నోరు ఊరుకోక చెబుతున్నాను, "అతిధి" కాదు, "అతిథి" అని ఉండాలి. గుర్తించగలరు. మీరే ఇలాంటి పొరపాటు చేయడం ఆశ్చర్యంగా ఉంది.
Ramani Rao said…
మీ ఆహ్వానానికి ధన్యవాదాలు. అక్కడికి రాకుండానే(రాడానికి అవకాశం లేనివాళ్ళము కాబట్టి), ఇక్కడి నుండి మా బ్లాగర్లందరమూ కలిసి, మా వంతు కృషిగా ఏమన్నా చెయ్యొచ్చేమో చెప్పగలరా?
హమ్మ పాళీ గారూ మనది డెట్రాయిట్ అన్నమాట. చెప్పారు కాదు. నేను చికాగో శరత్ నండి. మనం మనం కాస్త దగ్గరే. ఇక కలుసుకోవచ్చు తరచుగా. తప్పకుండా కుటుంబ సమేతంగా రావడానికి ప్రయత్నిస్తాను. ఆ నెలలో మా దేశం కెనడా వెల్లాల్సి వుంది, వీసా పనులకై - అది తప్ప వేరే అడ్డేమీ లేదు రావడానికి
శరత్ గారు, నేను డిట్రాయిట్ వాస్తవ్యుణ్ణని చాలా సందర్భాల్లో చెబుతూనే వచ్చాను. మీరు షికాగోలో ఉంటారని తెలుసును. సమావేశానికి వస్తే చాలా సంతోషం.
psmlakshmi said…
నేనీ అవకాశాన్ని కోల్పోయినందుకు చాలా బాధగా వుంది. ఎందుకంటే మేము జులై 15 నే అక్కడినించి వచ్చాము. అక్కడ వున్న కొద్ది రోజులూ లాన్సింగ్ డెట్రాయిట్ మధ్య తెగ తిరిగాం. ఇంకో విశేషం..నా బ్లాగుని నేను ఈస్ట్ లాన్సింగ్ లోనే మొదలు పెట్టాను జూన్ 2008 లో. చికాగో కూడా వచ్చామండీ శరత్ గారూ.

సరే ఇప్పటి విషయానికి వస్తే మీ సమావేశాలు జయప్రదంగా జరగాలని, తెలుగు బ్లాగుల ఖ్యాతి దశదిశలా వ్యాపింప చేయాలనీ కాంక్షిస్తున్నాము. అందుకోండి మా శుభాకాంక్షలు.

ఇంకో విషయం..రమణిగారన్నట్లు ఇక్కడనుంచి మేము చేయగలిగినది ఏమైనా వుంటే చెప్పండి.

నా బ్లాగు ఒక ట్రావెలాగ్.. యు.యస్. లో (ఇంగ్లీషులో), ఇండియాలో (తెలుగులో)చూసిన ప్రదేశాలగురించి రాశాను ఫోటోలతో సహా..చూడండి..అమెరికాలో వుండి ఇండియా చూడచ్చు. ఇండియాలోవి ఇంకా చాలా పోస్ట్ చెయ్యాలి.

నా బ్లాగు పేరు psmlakshmi.blogspot.com

శుభాకాంక్షలతో...లక్ష్మీ వెంకటేశ్వర్లు, హైదరాబాదు