ఇండియనాపొలిస్ సదస్సులో తెలుగు బ్లాగు సందేశం



తెలుగు బ్లాగులు - సాహిత్యం అనే విషయం మీద ఏడవ అమెరికా తెలుగు సాహిత్య సదస్సు (ఇండియనాపొలిస్)లో నా ప్రసంగం.

ఓపిగ్గా విడియో తీసిన మిత్రుడు కాలాస్త్రి శ్రీకి ధన్యవాదాలు.
మరోసారి అంతర్జాతీయ తెలుగు సాహిత్య వేదికమీద బ్లాగుల ప్రస్తావనకి చోటిచ్చిన వంగూరి చిట్టెన్‌రాజుగారికి ధన్యవాదాలు.

Comments

తెలుగు బ్లాగుల గురించి చాలా సింపుల్ గా, అద్ధుతంగా చెప్పారండి. కొందరైనా ఈ దిశగా వస్తారేమో చూడాలి...
Anil Atluri said…
అప్పుడెప్పుడో తెలుగు బ్లాగులు - అంతర్జాలం లో తెలుగు సాహిత్యం మీద వ్యాసం వ్రాస్తాను అని అన్నారు. ఈ రికార్డింగ్ దానిని కొంత మేరకు పూరించింది. జాలంలో తెలుగు భాష వ్యాప్తికి, బ్లాగరి అభిప్రాయవ్యక్తీకరణకు, కొత్త ఆలోచన పంధాలకు బ్లాగులు ఒరవడిని పెంచుతున్నా కొంత మూస దోరణి తప్పడంలేదు. తెలుగు బ్లాగుల ప్రస్తుత పరిస్థితిని మాలతి గారు " జానపద వాజ్ఞమయం " తో పోల్చడం సరి ఐనదే. బహుశ సమయాభావం వల్లనేమో, మీ ప్రసంగం అసంపూర్ణమని పించింది. కనీసం మీ బ్లాగులోనన్నా మీరు గమనించినవి వ్రాయమని కోరుతున్నాను. బ్లాగులకున్న సౌలభ్యం అదే మరి. Space / time / editorial policy constraints వగైరాలు ఉండవు కదా! :)
mantha bhanumathi said…
మీ వివరణ చాలా బాగుంది. బ్లాగుల మీద ఒక వర్క్ షాప్ వంటిది నిర్వహిస్తే కానీ ఇటువంటి సదుపాయాన్ని ఉపయోగించుకోవడానికి అందరికీ ఉత్సాహం కలుగదని అనిపిస్తుంది.
అన్నట్లు మీ కథల్ని చదువుతున్నాము. చాలా బాగున్నాయి.. ముఖ్యంగా "వీరిగాడి వలస"..
ఒంటరి సీనియర్ సిటిజన్స్ ఎదుర్కొనే ఇటువంటి సమస్యల్ని చాలా మంది వ్రాస్తున్నారు.. మీరు చెప్పిన విధానం, తీసుకున్న విషయం బాగున్నాయి.
మంథా భానుమతి.
శ్రీ said…
బాగుందండీ. నేను నా రిపోర్టు ఇక మొదలుపెట్టాలి. కొన్ని వీడియోలు కూడా అప్ లోడ్ చేస్తూ ఉన్నాను.
Unknown said…
సర్,


బ్లాగుల గురించి చాల బాగ వివరించారు. మా లాంటి కొత్తగా బ్లాగులు రాయబొయెవారికి మంచి స్ఫూర్తి నిచ్చారు, ఉత్సాహాన్ని నింపారు.
చాలా బాగుంది.. చక్కటి వివరణ. నాకు తెలుగు బ్లాగులుంటాయని, సంకలునులుంటాయని ఈ ఏప్రిల్ దాకా తెలియదు. రోజూ, తెలుగు పత్రికలు అంతర్జాలం లో తిరగేసినా, బహుశా లోపలి పేజీలు చదవకపోవటం వల్ల కావచ్చు. ఇప్పుడు చాలా మంది బంధువులకీ, స్నేహితులకీ కనీసం నోటి ప్రచారం చేస్తున్నాను. ఆశ్చర్యం ఏమిటంటే.. ఒక్కరికి కూడా తెలుగు బ్లాగులగురించి తెలిసినట్టు అనిపించలేదు. మంచి ఆర్టికల్స్ కనిపించినప్పుడు లంకెలు పంపిస్తున్నాను..
జ్యోతి, చూడాలి. అమెరికా తెలుగువారు సాహిత్యమంటే ఆసక్తి ఉండి, కంప్యూటరు అందుబాటులో ఉండి అయినా ఎక్కువ సంఖ్యలో బ్లాగులు రాయకపోవడం బాధాకరం. ఇలాంటి వేదికల ద్వారా కొందరినైనా బ్లాగోన్ముఖులను చెయ్యగలిగితే మంచిదే.

అనిల్, రాయాలండీ. అవును, అప్పటికే ఆ చర్చకి అధ్యక్షులు పక్కనించి సైగలు చేస్తున్నారు టైము దాటిందని. :)

భానుమతి గారు, నా బ్లాగుకి వచ్చి చూసి, వ్యాఖ్యానించినందుకు మిగుల ధన్యవాదాలు. మీరు కూడా బ్లాగడం మొదలుపెట్టాలని మనవి.
శ్రీ, రాయండి మరి త్వరగా.
స్పూర్తి, సంతోషం.
కృష్ణప్రియగారు, నా బ్లాగులో మీ వ్యాఖ్యకి సమాధానం ఇచ్చినప్పుడల్లా మీ పేరుని కూనీ చేస్తున్నానని ఇప్పూడే గమనించాను. సారీ. ఇక మీదట జాగ్రత్త వహిస్తాను. మీ మిత్రబృందంలో మీరు చేస్తున్న ప్రయత్నం ప్రశంసనీయం.
మీరు హైదరాబాదుకి రండి; మేం నిర్వహించే సదస్సులలో ప్రసంగించండి. :)

బాగుంది!
చాలా సరళంగా, విపులంగా ఉంది ప్రసంగం.. అప్పుడే అయిపోయిందా అనిపించింది :-)
Sandeep P said…
blaaglOkamlO lEnivaariki arthamayyElaagaa mana vishayaalanu chaalaa baagaa vivarinchaaranDi. nenarlu :)
అర్రె - ఈ వీడియో ఎలా మిస్సయ్యానబ్బా! బాగుంది.

చిన్న సైజు అబ్జర్వేషన్స్ -

అ) "అనేక సామాజిక ఆర్థిక పరిస్థితుల వల్ల బ్లాగు అనే ప్రక్రియ అందరికీ అందుబాటులోకి వచ్చింది." ఈ పాయింటు ఇంటరెస్టింగుగా ఉంది, కానీ అలా సగంలో వదిలేసారేమిటబ్బా అనుకున్నా. శ్యామల గారి దగ్గరికి, వారి చెల్లెలు గారి దగ్గరికి వచ్చాకా పూర్తిగా పూర్తి పాఠం అర్థమయ్యింది.

ఆ) "సామెత చెబితే కులాన్ని దూషించాడు" అని అన్న ఆయనెవరో తెలీదు కానీ, మాటలు కొద్దిగా ముద్దగా రావటంతో ట్యూబులైటు వెలగటానికి ఒక్క సెకను టైము ఎక్కువ పట్టింది.

ఇ) నిట్ పికింగ్ కాదు కానీ - అన్నమయ్య బ్లాగు "వాడి" పేరు గుర్తుందా? - ఈ ప్రశ్న "వాడి" కెలా అనిపించిందా అని నాకనిపించింది.

ఈ) నవీన జానపద సాహిత్యం అన్న విషయంతో/కామెంటుతో బోల్డు తిప్పలున్నాయి నాకు కానీ, మీరు ఆ వాక్యాన్ని భాషణంలో కలిపేసి చెప్పిన విధానం బాగుంది.

కాలాస్త్రి కి కూడోస్! మీకూ కూడోస్!
@వంశీ, thanks for the comments.
అన్నమయ్య బ్లాగు శ్రవణ్‌తో నాకు ఆ చనువు ఉన్నదనే అనుకుంటున్నాను. కానీ ఒక బహిరంగ వేదిక మీద ఎవరినైనా మన్నించి మాట్లాడడమే మంచిది, ఒప్పుకున్నాను.
సామెతని గురించి పక్కనించి కామెంటు చేసింది అక్కిరాజు సుందరరామకృష్ణగారు.
నవీన జానపద వాజ్మయం అంటే మీకెందుకు తిప్పలో రాయండి మరి!