తోచని శనివారపు మధ్యాన్నం కబుర్లు

అంతటా ఎన్నికల సంరంభం. డెమోక్రాట్లు బుజాలు తడుముకోవడం. రిపబ్లికన్లు లేని బింకాలు ప్రదర్శించడం. టీపార్టీవారు మీసాలు దువ్వి తొడలు చరచడం, అంతా మహా సందోహంగా ఉంది. కానీ ఎవరు గెలిచీ సాధించేది, ఎప్పుడు జరుగుత్న్నదానికంటే ఇంకా ఊడబొడిచేది ఏమీ కనబడ్డంలేదు. కాంగ్రెస్‌లో రిపబ్లికన్లు మెజారిటీ సాధిస్తే మాత్రం ఒబామా ప్రతిపాదించే ప్రతీ శాసన ప్రతిపాదనకీ వాళ్ళు అడుగడుగునా అడ్డుతగుల్తారనేది కచ్చితమే. అదేవిటో విచిత్రం - బుష్షు అధ్యక్షుడిగా తన లెజిస్లేటివ్ ఎజెండాని వొద్దుమొర్రో అంటున్న డిమొక్రాటిక్ కాంగ్రెస్ గొంతులో బలవంతంగా కుక్కి మరీ సాధించుకున్నాడు. కానీ డిమొక్రాటిక్ అధ్యక్షులెవరూ రిపబ్లికన్ కాంగ్రెస్‌తో ఇట్లాంటి విజయం సాధించలేకపోయారు. చూడాలి ఏమవుతుందో. కానీ నాకు బొత్తిగా ఆసక్తి పోయింది.

మా ఊరి వాతావరణం పూరిత్గా ఫాల్లోకి పడిపోవాలో లేక ఇంకా కొంచెం సేపు వేసవి కొంగులు పట్టుకుని వేళ్ళాడాలో తేల్చుకోలేకుండా ఉంది. ఒక పూట ఇంచుమించు తొంభఈ డిగ్రీలు తాకుతూ చెమటల కక్కిస్తుంటే మరునాడే గరిష్ఠం అరవై దాటట్లేదు. సాధారణంగా ఫాల్ మొదట్లో ఇట్లాంటి సయ్యాట మామూలే, కాకపోతే అది అక్టోబర్లో జరిగేది, ఈ సారి లేబర్ డే నించే మొదలైపోయింది.

మొదటి చలి దెబ్బకి పెరటి తోటలో కొన్ని మొక్కలు వాడిపోతే ఇంక నా వ్యవసాయం పని సరి అనుకున్నాను. కానీ మళ్ళీ కొన్ని రోజులు వెచ్చగా ఉండడం వల్లనో ఏమో, మొక్కలు కోలుకున్నాయి. టొమేటో, గోంగూర, పచ్చిమిరప దిగుబడిని ఇస్తూనే ఉండగా, తొలిసారిగా దోస, కాకర పాదులు కాపుకాసి అనుగ్రహించాయి. ఊరిస్తున్నాను అనుకోకపోతే, కాకరకాయ వేపుడు మహా రుచిగా ఉన్నది. ఏదేమైనా, రాశిలో కాకున్నా వాసిలో ఈ సంవత్సరం వ్యవసాయం సక్సెస్ అనే అనుకుంటున్నా. వేసిన మొక్కలన్నీ బాగా ఎదగడమే కాక, ఒకటో అరో ఫలసాయాన్ని ఇచ్చాయి. వచ్చే యేటికి ద్విగుణీకృత ఉత్సాహంతో పనిచేసేందుకు ఉత్తేజం కలిగించాయి.

మిషిగన్‌లో గ్రాండ్ రేపిడ్స్ నగరంలో మళ్ళీ ఆర్ట్ ప్రైజ్ నడపబోతున్నారుట. పోయినేడు వెళ్ళనే లేదు. చూడాలి ఈ ఏడాదన్నా కుదురుతుందేమో.

సమాజంలోని ఏ ఒక్క పార్శ్వంలోనైనా మౌలికమైన మార్పు తేవాలంటే అవసరమైనది డబ్బా? లేక కొత్త ఆలోచనా? లేక మార్పు సాధించాలి అనే పట్టుదలా? ఉదాహరణకి ఏదైనా నగరంలో ఉండే పాఠశాల వ్యవస్థని తీసుకోండి. అమెరికాలో పబ్లిక్ పాఠశాల వ్యవస్థ చాలా పటిష్ఠంగా ఉంటూ వచ్చింది. ప్రాథమిక, మాధ్యమిక, ఉన్నత పాఠశాలలు కొన్ని కలిపి ఒక స్కూల్ బోర్డు అధీనంలో నడుస్తుంటాయి. ఉన్నతోద్యోగిగా సూపెరింటెండేంటు గారు దీని నిర్వహణ చూస్తుండగా, పౌరులచే ఎన్నుకోబడిన డైరెక్టర్లు ఈ స్కూల్బోర్డుని పర్యవేక్షిస్తూంటారు. ఆ స్కూల్ బోర్డు పరిధిలో నివసించే పిల్లలందరికీ ఆయా బడులలో ఉచిత విద్య. స్కూల్ బోర్డు బడ్జెట్ ఆ ప్రాంతపు ఇంటిపన్నుల, భూమి పన్నుల ద్వారా భర్తీ అవుతుంది. ఇదంతా బాగానే ఉన్నది గానీ, అనేక కారణాల వల్ల, దేశవ్యాప్తంగా అనేక నగరాల స్కూలు బోర్డులు లోతైన డెఫిసిట్ బడ్జెట్లతో నడుస్తున్నాయి. తద్వారా విద్యార్ధులకి సరైన సదుపాయాల నందించలేక, విద్యార్ధుల్ని కోల్పోతున్నాయి. విద్య నాణ్యత కూడ గణనీయంగా పడిపోతున్నది. ఇదంతా ఒక downward spiral. ఒకసారి ఈ బాటలో పడిందంటే, ఆ స్కూల్ బోర్డు అలా ఇంకా అథోగతికి జారిపోతూనే ఉంటుంది - బయటపడి, పైకి రావడం చాలా కష్టం.

ఈ ఇబ్బందులు ముఖ్యంగా పెద్దపెద్ద నగరాల పరిధిలో ఉన్న స్కూల్ బోర్డులని ఎక్కువగా వేధిస్తున్నాయి. దానికితోడు నగర మధ్యభాగాల్ని పీడిస్తున్న అధిక నిరుద్యోగం, వ్యాపించిన పేదరికం, పడిపోతున్న ఇంటి ఖరీదు - ఇవన్నీ కూడా ఈ అథోగతికి దోహదం చేస్తున్నై. ఐతే ఈ ట్రెండ్‌ని మార్చలేమా? విద్య నాణ్యత పెంచలేమా? చెయ్యొచ్చు. చేసి చూపించిన ఉదాహరణలు లేకపోలేదు. ఇట్లాంటి మార్పుని సాధించడంలో న్యూ ఆర్లీన్స్ స్కూల్ బోర్డు ఆకర్షణీయమైన ఉదాహరణగా నిలిచింది. ఐతే, దాని ప్రగతి శ్రద్ధగా గమనించిన కొందరు "వాళ్ళు ఛార్టర్ స్కూళ్ళని మరీ ఎక్కువగా ప్రోత్సహించారు" అని విమర్శిస్తున్నారు. ఛార్టర్ స్కూళ్ళ ప్రసక్తి తీసుకురాంగానే చర్చ కాస్తా పాలిటిక్సు బారిన పడిపోతుంది. అందుకని మనం దాని జోలికి పోవద్దు ఇప్పుడే. ఒక స్కూల్ బోర్డు పరిధిలో తగు మోతాదులో ఛార్టర్ స్కూళ్ళు ఉంటే మంచిదే, కానీ మొత్తం పబ్లిక్ స్కూళ్ళన్నిటినీ మూసెయ్యలేం కదా! ఉన్న పబ్లిక్ స్కూళ్ళని ఎలా మెరుగుపరచడం అన్నది అసలు ఛాలెంజ్.

నువార్క్ స్కూల్ బోర్డుకి వంద మిలియన్ల డాలర్లు, ఎటువంటి ఆంక్షలు లేకుండా ఇచ్చాడుట, ఫేస్‌బుక్ వ్యవస్థాపకుడూ, సీయీవో, ఇరవయ్యారేళ్ళ మార్క్ జుక్కర్‌బర్గ్. డబ్బు మేలైన విద్యని పుట్టిస్తుందా? చూద్దాం!

ఇతనెవరో, మోటర్‌సైకిళ్ళంటే బాగా మోజల్లే ఉంది. మీరూ ఓ లుక్కెయ్యండి.

Comments

భాను said…
మరీ అంత ఉరిన్చాకపోతే మీ కాకరకాయ వేపుడు మాకు పంపొచ్చు గదండీ. అక్కడి స్కూళ్ళ గురించి చాలా చక్కగా తెలియజేసారు.
అమెరికా పబ్లిక్ స్కూళ్ళ వివరాలు బాగున్నాయి. పూర్వం మాలాంటి వాళ్ళు ఎంతో మంది ప్రభుత్వ పాఠశాలల్లో చదువుకున్నా, ఇప్పుడు పట్టణాల్లో ఏ మాత్రం ఎఫర్డ్ చేయగలిగినా ఎవ్వరూ ఈ పాఠశాలల్లో చేర్పించట్లేదు కదా. ఈ మధ్య ఆఫీస్ నుండి ఒక ప్రాథమిక పాఠశాల లో వారానికి 2 గంటల వాలంటీరింగ్ చేసాను, ఆంగ్లం, లెక్కలు చెప్పటానికి.. స్కూల్లో బోర్డ్ ఉన్నా చాక్ పీసులు లేవుట. ఒక పెద్ద జంపకానా లాంటిది వేశారు. అది భయంకరమైన ముక్క వాసన. అందరూ కూలీల పిల్లలే.. ఎవ్వరూ అసలు స్నానం చేస్తున్నట్టు కనపడలేదు. కాకపోతే అందరి దగ్గరా, మంచి బాగు, పుస్తకాలూ మాత్రం చూశాను.

చదువు ఎలాగ నేర్పినా పిల్లలకి కనీసం శుభ్రత ఆవశ్యకత అర్థం అయ్యేలా చేయటం లో అందరూ విఫలమయ్యారనిపించింది. ఒకరిద్దరు మాత్రం శుభ్రం గా తల కి నూనె రాసి దువ్వుకుని కనిపించారు. మొదటి సారి ఉత్సాహం గా ఒక అరగంట ముందు చేరాను. టీచర్ చక్కని చీర కట్టుకుని అందం గా తయారయి ఒక రేడియో పెట్టుకుని వింటూ పత్రికలు తిరగేస్తున్నారు. ఏమాత్రం సిగ్గు లేకపోగా.. నేను టేకోవర్ చేసేటప్పుడు రేడియో వాల్యూం తగ్గిస్తే.. 'నూ.. లెట్ ఇట్ బీ హై' అంది. చాలా బాధ వేసింది. ఏమి చేయగలను? నేనైతే అక్కడున్నంత కాలం స్నానం చేయమని, నూనె రాసుకుని తల దువ్వుకొమ్మనీ.. అందరం కలిసి క్లాస్ రూం కార్పెట్ శుభ్రం చేసాం.

మరీ కామెంట్ పెద్దదయినట్టుంది.. :-)
కొత్త పాళీ గారు,
ఇంటి తోటనీ బడినీ ఒక పోస్టులో రాయడం బావుంది. రెండూ ఒకలాంటివేగా!!
అక్కడి స్కూళ్ళ గురించీ, విధానాల గురించీ చక్కగా చెప్పారు. ధన్యవాదాలు.
Unknown said…
kottapali garu namaskaramandi, ii madye mi tapalani chaduvuthunnanu, enni tapalaku comment raddamanukunna, telugulo rayakapothe coment ni unchutharo,delete chestharo teliyaka raayalekapoyanu, kani ii sari dairyam chesi rasesthunnanu. mi anni tapallonu, mi peradu vyavasam tapalu chala chala chala nachhayandi, anti migathavi baalevani kavu, kani pallelu, vyavasayam ante istapade naku, mi gongura ruchi, kaakarakaya ruchi baga nachhesindi(Thinakundane, blog lone. thanks andi.

krishna priya garu miru cheppindi india lo paristhitha, america lona?(sorry andi)
Kalpana Rentala said…
భానూ డిమాండ్ నే నాది కూడా. ఆ వేపుడు ఎందుకో నా పోస్ట్ చదివారు కాబట్టి మీకు తెలిసే వుంటుంది. ఆ రెసెపీల బ్లాగు మొదలుపెట్టండి ఇంక. ఆలస్యం దేనికి? అప్పుడు మిమ్మల్ని నా శత్రువుల జాబితాలో చేచేస్తాను.

@కృష్ణప్రియ...మీరు చెప్పిన విషయాలు వింటే బాధేసింది. ఇక్కడ పబ్లిక్ స్కూల్ల గురించి ఇంకా చాలా మంచి విశేషాలున్నాయి.
భాను .. చిన్నప్పుడోసారి మా బడినించి విజయవాడ మిల్క్ ఫేక్టరీకి విజ్ఞాన యాత్రకి తీసుకెళ్ళారు. అక్కడ మా పిల్లకాయలందరికీ తాగగలిగినంత రోజ్ మిల్క్ ఇచ్చారు - అక్కడే తాగెయ్యాలి తప్ప బయటికి తీసుకెళ్ళేందుకు లేదు. మా పెరటి ఫలసాయానికి కూడా అదే రూలు! ఐనా ఖండాంతరాలకి వేపుళ్ళు పంపించే దిశగా మన అంతర్జాతీయ తపాలా వ్యవస్థ ఎదగలేదనుకుంటా! :)

కృష్ణప్రియ .. మీ స్వఛ్ఛంద సేవ బాగుంది. ఈ విషయంలో నా అనుభవం కొంచెం వేరుగా ఉంది. ఒక తెలంగాణా పల్లెటూరి ఉన్నత పాఠశాలలో కొన్నాళ్ళు పాఠం చెప్పాను. పదోతరగతి పిల్లలు చక్కగా శుభ్రంగా ఉన్నారు. మీ అనుభవాన్ని కాదనడం లేదు. ప్రాథమిక వసతుల విషయంలో ప్రభుత్వ పాఠశాలల దీనావస్థ మనకి తెలియనిది కాదు.

Weekend Politician .. నచ్చినందుకు సంతోషం

spoorthi .. దయచేసి వ్యాఖ్య తెలుగులో రాయండి. తెలుగులో రాసేందుకు బోలెడు సాధనాలున్నాయి. ఉదాహరణకి, లేఖిని చూడండి. నా వ్యవసాయం నచ్చినందుకు సంతోషం. మీ పేరు మీద నొక్కితే బ్లాగుకి దారి తీయలేదు. మీకు బ్లాగు ఉంటే తెలియజెయ్యండి. లేనియెడల వెంటనే ఒకటి మొదలు పెట్టండి.

Kalpana .. భానుకి చెప్పిన సమాధానమే మీక్కూడాను. ఈ సంవత్సరానికి ఇక వ్యవసాయం ముగిసినట్లే. వచ్చే వేసవిలో మీరెప్పుడు వస్తానన్నా మా యింటి ద్వారాలు తెరిచే ఉంటాయి.
భాను said…
మన దగ్గర ప్రభుత్వ పాటశాలల సంగతి ఇంతే లెండి. ప్రభుత్వం ఏదేదో చేస్తున్నాం అంటుంది తప్ప ఏమి ఉండదు, మీరన్నట్లు ఒక్క పదవ తరగతి గురించి కాస్త పట్టిచ్చ్చు కున్నట్లు అగుపడుతుంది ఎందుకంటే రిజుల్త్స్ మీద కాస్త ఆ హేద్మస్తార్లు మరియు టీచర్స్ పై కాస్తంత వత్తిడి పెడ్తున్నారు. అయినా ఎవ్వరు చుడండి, చిన్న ఉల్లో అయిన సరే అక్కడ ఏదయినా ప్రైవేటు పాటశాల ఉంటె అందులో పిల్లలను వేసేస్తున్నారు. ఇప్పుడు విద్య ఇక్కడ ఒక బిజినెస్స్ అయిపొయింది అనడంలో ఎటువంటి అతిశయోక్తి లేదు, మా చిన్నప్పుడు ప్రభుత్వ పాటశాలలు ఎంత స్టాండర్డ్ గా ఉండేవి. ఇప్పుడు ఆ స్టాండర్డ్ ఎక్కడిది. ఇప్పటికి ఉల్లల్లో నేననుకుంటాను ఈ మద్యాన్న బోజన పథకం పుణ్యమా అంటూ ఆ మాత్రం స్త్రెంత్ అగుపడుతుంది. అప్పుడు టీచర్స్ లో ఉన్న కమ్మిత్మేంట్ ఇప్పుడ ఉన్న వాళ్ళల్లో కనపడట లేదు. ఎన్ని బడి బాటలు పెట్టినా ఇంతే ఇక్కడి పరిస్తితి. టీచర్లలో మార్పు రావాలి. అలాగే తల్లి తండ్రులలో కుడా రావాలి. ముందు స్కూల్స్ లో విద్య స్టాండర్డ్ కూడా పెరగాలి.

మీ కాకరకాయ వేపుడు తినలేకపోయినందుకు చింతిస్తున్నాం, ఒకవేళ మీ దగ్గరికి వస్తే, కల్పనా గారి లాగ ఫ్రిజ్ లో పెట్టేసి ఫ్రై బాగుందన్నం కదాని మూడు రోజులు అదే పెడతార కొంప దీసి, అమ్మో మీ అమెరిక రాము లెండి.
ఎక్కడికెళ్ళినా సర్కారీబళ్ల పరిస్థితి అలానే తగలడుతుందన్నమాట ప్చ్. రాచరికం నుంచి ప్రజాస్వామ్యానికి మారాలని ప్రపంచం అనుకోవడానికి ముఖ్యకారణాల్లో ఒకటి- జ్ఞానం అందరికీ అందడం. మరి లోకంలో ఏం జరుగుతోందో? కొన్నాళ్ళ క్రితం ఆంధ్రాలో ప్రాథమిక పాఠశాలల్లో స్కూల్ కమిటీలు వేశారు. కొన్నిస్కూళ్ళని ఒకక్లస్టర్గా చేసి ఆప్రాంతంలోని పెద్దబడిని కేంద్రంచేసి స్కూల్ కాంప్లెక్స్ వేశారు. కమిటీలోసభ్యులును పిల్లల తల్లిదండ్రుల్లోంచి ఎన్నుకుంటారు. ఈ'ఎన్నిక‌'అన్నపదం వింటేనే మనోళ్ళు శివాలెత్తిపోతారుగా. దాంతోమొత్తం వాతావరణమే కలుషితమైపోయింది. మద్యలో గ్రామరాజకీయాలు. టీడీపీ, కాంగ్రెస్ వగైరా... టీచర్లంతా జుట్టుపీక్కున్నారు. ఇంతలో స్కూల్‌కాంప్లెక్స్‌కి వచ్చిన నిధుల వినియోగంలో హెడ్మాస్టర్లు వీథిగుండాలనుకూడా ఎదుర్కోవాల్సొచ్చింది.

చివరగా- కొత్తపుట బావుంది. ఏమో నేనూ మారుస్తానేమో. దీన్నే పెట్టేసుకున్నా నేను నిమిత్తమాత్రుణ్ణి. అంతా విష్ణుమాయ.
మీరాశేమిటో చెబితే మామిత్రుల్లో ఆరాశివాళ్ళకి ఈఏడు వ్యవసాయం చెయ్యమంటా :)
భాను, చైతన్య, బాగున్నై మీరు చెప్పినవి.
చైతన్య, వ్యవసాయం రాశిలో లేదు, హస్తవాసిలో ఉంది :)
Kalpana Rentala said…
చెప్పడం మరిచాను.ఈ టెంప్లెట్ బావుంది.
మురళి said…
అమెరికా విహంగ వీక్షణం బాగుందండి.. స్కూళ్ళ కథ ఆలోచింపజేసేదిగా ఉంది..
"మొత్తం పబ్లిక్ స్కూళ్ళన్నిటినీ మూసెయ్యలేం కదా" అని ఆ ఆలోచననే మూసెయ్యటం :-)
బుష్షు డెమెక్రాటిక్ కాంగ్రేసుతో అన్నిపనులు కానించుకున్నాడని ఆశ్చర్యపడటం ఎందుకు? రెండు యుద్ధాలు పక్కనపెడితే భూషయ్య పెద్ద కంజర్వేటివేమీ కాదు, ఆయన వెలగబెట్టిన విషయాల్లో ప్రిస్కిప్షన్ డ్రగ్ ప్రోగ్రామ్, నో చైల్డ్ లెఫ్ట్ బిహైండ్ లాంటివాటికి ఒబామా కూడా జబ్బలుచరుచుకుంటూ ఓటెయ్యగలడు. ఒక్క సోషల్ సెక్యూరిటీ ప్రైవెటీకరణ తప్ప వామపక్షీయులకు అభ్యంతరకరమైనవేవీ ప్రతిపాదించలేదు (అది కూడా క్లింటన్ కాలపు నాటి బిల్లు తిరగతోడినదే; అయినా సాధించలేదు..ప్చ్) - టాక్సు కట్స్ రిపబ్లికన్ కాంగ్రేసున్నప్పుడు ఆమోదించినవే. నిజానికి భూషయ్యకు క్రెడిటొస్తుందని కుళ్ళుకోకుండా ఇంకాస్త సహకరించి ఉంటే తరతరాల నుంచి వామపక్షాలు కలగంటున్న ఇమ్మిగ్రేషన్ రిఫార్ము, ఆమ్నెస్టీ వంటివి చాలా చేసిపెట్టేవాడు.
భూషయ్యతో పోల్చుకుంటే ఒబామా రెండేళ్లలో చాలానే సాధించాడు కానీ అవన్నీ ఎంతకాలం నిలుస్తాయో చెప్పలేం
@ వైజాసత్య ..
ఐతే పబ్లిక్ స్కూళ్ళన్నిటినీ మూసెయ్యాలంటావ్? :)
ప్రెసిడెంట్ల లెజిస్లేటివ్ ఎజెండాల గురించి నువ్వు చెప్పింది రైటే. నిజంగా ప్రజాజీవితాన్ని ప్రభావితం చేస్తున్న విషయాల మీద డె - రి తేడా పెద్దగా లేదు, ముఖ్యంగా ప్రెసిడెంట్ల ఎజెండాల్లో.

@ మురళి .. నెనర్లు
రైలుబడి పుస్తకం చదువుతున్నట్లుంది. మీ కలబోత బాగుంది.
http://vennelalu.blogspot.com