పదాలకి అర్ధాలు

ఆనవాలు = గుర్తు. చిహ్నము అని ఎవరో చక్కటి మాట చెప్పారు. ఇది నామవాచకం. బయట పెద్ద గన్నేరు చెట్టు ఉంటుంది - అదే వాళ్ళింటికి ఆనవాలు. ఐతే దీన్ని ఎక్కువగా ఆనవాలు పట్టడం అనే క్రియా రూపంలో వాడుతున్నాము. అదికూడా మనిషిని పోల్చడం అనే అర్ధంలో. తమాషాగా, నిఘంటువులో దీని అర్ధం "అడియాలం" అని ఇచ్చారు - ఈపదాన్ని తమిళంలో ఇప్పటికీ ఉపయోగిస్తారు, ఇదే అర్ధంలో.
తెరువు = దారి. ఈ పదంకూడా తమిళంలో ఇదే అర్ధంలో ఇంకా వాడుకలో ఉంది.
కలిమి = సంపద
సమ్మర్దం = తొక్కిడిగా నున్న సమూహం. యుద్ధము అని కూడా అర్ధం ఉన్నదిట. జనసమ్మర్దం అంటే జన సమూహం.
విహ్వలం = విపరీతమైన అలజడి చెంది, తద్వారా అవయవాల నియంత్రణ లేకపోవడం .. to lose control; విహ్వలించు = to be in such a state.