మహారాజకీయ దురంధరునికి అశ్రుతర్పణం



అమెరికను రాజకీయ చరిత్రలో ఒక మహా యుగం ముగిసింది.
సెనేటర్ ఎడ్వర్డ్ కెనడీ కన్ను మూశారు.
ప్రసిద్ధి గాంచిన కెనడీ సోదరులలో ఆఖరివాడు, జాన్, రాబర్ట్ కెనడీల తమ్ముడు.
సుమారు 42 సంవత్సరాలపాటు డెమొక్రాటిక్ పార్టీ తరపున మాసచుసెట్స్ రాష్ట్రం నించి సెనేటరుగా అవిఛ్ఛిన్నంగా ఎన్నికయ్యి, గత శతాబ్దిలో అమెరికా జనజీవన గమనాన్ని నిర్దేశించిన అనేక ముఖ్యమైన పాలసీ విధానాలపై తనదైన ముద్ర వేశారు.
ఒకే ఒకసారి అధ్యక్ష పదవికి పోటీ చేశారు, ఆ తరవాత మళ్ళి దాని జోలికి పోలేదు.
తాను అత్యంత ధనిక కుటుంబ వారసుడైనా, తన రాజకీయ జీవితంలో ఎల్లప్పుడూ సమాజంలోని అట్టడుగు వారిని గురించి ఆలోచించి వారికి సహాయపడేట్లుగా ప్రభుత్వ విధానాలని తీర్చి దిద్దారు.
అవసరమైనప్పుడు అవతలి పార్టీ వారితో చేతులు కలిపి సహకారానికి నిర్వచనంగా నిలిచారు. మరికొన్ని సందర్భాల్లో, తాను నమ్మిన మౌలిక విలువలకి భంగం వాటిల్లినప్పుడు, తన నిర్ణయం ప్రజామోదానికి వ్యతిరేకమైనదైనా సరే, బెదురు చెందక స్థిరంగా నిలబడి పోరాడారు.
ఒక పక్కన బ్రెయిన్ కేన్సరు వ్యాధి నిర్ధారణ జరిగి, బాధ పడుతూ కూడా, ఒబామాకి అధ్యక్షపదవి కట్టబెట్టడంలో ఆలోచనలోనూ, కార్యాచరణలోనూ చురుగ్గా పాలుపంచుకున్నారు.
ఏదైతేనేం, మళ్ళీ ఇలాంటి మేరు నగాన్ని అమెరికను రాజకీయ రంగంపై ఇప్పట్లో చూడబోము.

Comments

మురళి said…
"అవిఛ్ఛిన్నంగా ఎన్నికయ్యి" ???
...కెనడీ మృతికి నివాళి...
భావన said…
ఒక గొప్ప నాయకుడు కెన్నడి. అనుమానం లేదు, కాక పోతే తన చిరకాల స్నేహితమైన క్లింటన్ ను వదిలి ఒబామా ను సమర్ధించినప్పుడు కొంచం ఆశ్చర్య మేసింది, ఈ రోజు బోస్టన్ నగర వీధుల్లోకి ఆఖరి సారి గా వస్తున్నాడు అని NPR లో చెపుతుంటే అదోలా అనిపించింది, ఎన్ని సార్లు వచ్చి వుంటాడు ఆయన, ఎంత అనుభవం ఎన్ని జ్ఞాపకాలు, ఆలోచనలు ఐపోయింది కదా ఆ శకం అని. ఏమి చెయ్యలేము అనుకోండి. కాలానికి ఐతే ఎదురీదలేము కదా
sunita said…
aఅవును. నిజమే. అధికారం ఖరీదు అని అర్ధం వచ్చేట్లు అధ్యక్ష పదవి కోసం (పోరాడటంలో) పోటీ పడటంలో అనాలేమో JP Kennedy పడ్డ బాధలూ, చెల్లించిన మూల్యం (కోడుకులను పోగొట్టుకోవడంలో) ఒక డాక్యుమెంటరీ చూసాను నేను. JFK కుమారుడు ప్లైను యాక్సిడెంటులో చనిపోవటము శిధిలాల కోసం వెదుకులాట కూడా నేను అమెరికా వెళ్ళిన కొత్తల్లోనే జరిగాయి.అప్పట్లో నాకు పరిచయమైన ఒక ఐరిష్ లేడీ ఇండియన్ వివాహలు గురించి అడిగితే నేను కులం ప్రాతిపదిక గా జరుగుతాయని చెపాను. దానికి ఆవిడ జవాబిస్తూ ఎందుకో తెలియదు కాని అమెరికన్ సమాజంలో కెన్నెడెలంటే చాలా క్రేజు అంటూ అప్పట్లో కొత్తగా జర్నలిజంలోకి వచ్చిన ఒక కెన్నెడీ గురుంచి చెప్పింది. ఇవ్వాళ్ళ వార్తలూ మీ టపా ఈ అలోచనల తుట్టను కదిల్చాయి. ఇవన్నీ ఒక్కసారిగా గుర్తుకోచ్చాయి.
asha said…
May his soul rest in peace
pi said…
It IS a HUGE loss to American politics! May he rest in peace!
I am not in to local and/or current affairs. Yet just observe and follow some. A loss of a noble soul to this country. May his soul rest in peace.