నిన్న మా స్నేహితురాలొకరు కాల్చేశారు - అర్ధరాత్రి స్థానిక పుస్తకాల కొట్టు దగ్గిర పడిగాపులు పడేందుకు వస్తారా అని అడగటానికి. ఎందుకంటా పడిగాపులూ? హేరీ పాటర్ ఏడో మరియు ఆఖరు పుస్తకం విడుదలకి. నాకంత ఓపిక లేదు తల్లీ - ఐనా నేను అమెజాన్ లో ముందే ఆర్డరిచ్చాను అని చెప్పాను.
పొద్దున లేచి టీ కలుపుకుందామని చూస్తే పాలు నిండుకున్నై. మా ఇంటెనకాల ఉండే సూపర్ మార్కెట్టుకెళ్ళా. అక్కడ ముందరి వరసలోనే ఒక పెద్ద రాశి పోసి ఉన్నై హేరీ పాటర్ ఏడో పుస్తకం ప్రతులు - 40% తగ్గింపు అనే పేద్ద అక్షరాల ప్రకటనతో సహా.
నాకు నవ్వొచ్చింది - ఇంత మాత్రం దానికి అమెజాన్ లో ముందస్తు ఆర్డర్లెందుకూ, పుస్తకాల కొట్టు ముందు అర్ధరాత్రి పడిగాపులు పడటమెందుకూ .. ఇంటి పక్కన సూపరు మార్కెట్లో కొనుక్కునే దానికి?
నాకు అర్థం కాని ఇంకో విషయం - విడుదలతోనే అంత తగ్గింపు ధర ఎందుకు? దానికి ముందసలు ఒక ధర నిర్ణయించడమెందుకు, మళ్ళీ దాన్ని 40% తగ్గించడమెందుకు?
ఏంటో అంతా వేలం వెర్రి!
అద్సరే ఇంతకీ ఈ అమెజాన్ వెధవ నా ప్రతి ఎప్పుడు పంపిస్తాడో!
పొద్దున లేచి టీ కలుపుకుందామని చూస్తే పాలు నిండుకున్నై. మా ఇంటెనకాల ఉండే సూపర్ మార్కెట్టుకెళ్ళా. అక్కడ ముందరి వరసలోనే ఒక పెద్ద రాశి పోసి ఉన్నై హేరీ పాటర్ ఏడో పుస్తకం ప్రతులు - 40% తగ్గింపు అనే పేద్ద అక్షరాల ప్రకటనతో సహా.
నాకు నవ్వొచ్చింది - ఇంత మాత్రం దానికి అమెజాన్ లో ముందస్తు ఆర్డర్లెందుకూ, పుస్తకాల కొట్టు ముందు అర్ధరాత్రి పడిగాపులు పడటమెందుకూ .. ఇంటి పక్కన సూపరు మార్కెట్లో కొనుక్కునే దానికి?
నాకు అర్థం కాని ఇంకో విషయం - విడుదలతోనే అంత తగ్గింపు ధర ఎందుకు? దానికి ముందసలు ఒక ధర నిర్ణయించడమెందుకు, మళ్ళీ దాన్ని 40% తగ్గించడమెందుకు?
ఏంటో అంతా వేలం వెర్రి!
అద్సరే ఇంతకీ ఈ అమెజాన్ వెధవ నా ప్రతి ఎప్పుడు పంపిస్తాడో!
Comments
అవును నాకు ఆ పుస్తకం మీద కూడా అంత "ఇది" ఉంది. :-)
Well I only read the azkaban which being been lauded as the best book of the lot , but through out the book I really kinda felt that these books don't give us a glimpse into the consciousness of a child, far from it. They take us instead into the mediocre but very amusing mind of J.K.Rowling.
- చదువుతూ ఉంటే "కాల్ చెసారు" అనుకోలేదు. "కాల్చేసారు" అనుకున్నా. :)) hmm పాటర్ మానియా ఒక విధంగా శుభసూచకమే కదా...అయితే, ఇలా ఒక తెలుగు పుస్తకం కోసం జనం ఆత్రంగా ఎదురుచూసేరోజు వస్తుందంటారా?
నవీన్ మరియు S ..
మీ ఇద్దరి వాదనలూ బానే ఉన్నయ్యి.
నవీన్, నీతి కథలని మీరు వేటిని అంటున్నారు? ఇవి నీతి కథలు, ఇందులోని నీతి ఇది - అన్నట్టు ఉన్న కథలని నేను ఏనాడూ ఇష్టపడలేదు. పిల్లల భావనా శక్తి చాలా గొప్పగా ఉంటుంది. ఆ శక్తిని సవాలు చేసి ఎగదోసే సాహిత్యం రావాలి. అందులో వినోదం పాలు ఎక్కువే అనుకుంటాను. హేరీ పాటర్ని కాసేపు పక్కన పెట్టి - సి.ఎస్. లూయిస్ (నార్నియా కథలు) లూయిస్ కెరొల్ (ఏలిస్ కథలు) రవొల్డ్ డాల్ కథలు - ఇత్యాదులను పరిశీలించండి. ఇవన్నీ కథలో అంతర్లీనంగానే వాళ్ళు చెప్పదల్చుకున్న "నీతి"ని చక్కగా చెప్పేస్తారు. ఇది వరకు చందమామలో వచ్చే సీరియల్ కథలు కొంతవరకూ ఈ లక్షణాల్ని కలిగి ఉండేవి.
అయ్యా నా బాధ ఏమిటంటే కొత్త కథలు వచ్చాయి కదా అని మన పాత కథలను తూచ్ అనడం నాకు కొంత మింగుడు పడలేదు. పంచతంత్రం కథలు నా వ్యక్తిత్వాన్ని ఎంతో ప్రభావితం చేశాయని ఘంటాపదంగా చెప్పగలను. ఉదాహరణకు చిన్నప్పుడు రాత్రి పూట మా ఇంటి వెనుక ఉన్న మునగ చెట్లు, పూల చెట్ల గుండా ఒక్కణ్ణే నడిచి స్నానాల గదికి వెళ్ళాలంటే భలే భయంగా ఉండేది. కానీ ఈ కథ (http://www.panchatantra.org/the-jackal-and-the-drum.html) చదివిన తరువాత నా భయాలన్నీ పటాపంచలయ్యాయి. అప్పట్నుంచి అనవసర శబ్దాలకు భయపడటం మానేశాను. ఇదంతా 10యేళ్ళ వయసులో. మన కథలు వీర శివాజీ (జిజియా భాయి చెప్పిన కథలు), మహాత్మా గాంధీ (సత్య హరిశ్చంద నాటకం) లాంటి వారిని తయారు చేశాయి. ఆ ముంబయి జర్నలిశ్టు ఆరోపించినట్లు ఈ కథల్లో సందేశం అంతర్లీనంగా కాక, "నెత్తిన రుద్దినట్లే" ఉంటుంది.మరి ఇప్పటి పిల్లలకు ఈ కథలన్నీ అనవసరం అంటారా?
పిల్లల వ్యక్తిత్వాన్ని, బుద్దిని వికసింపజేసే ప్రతి ఒక్క సాహిత్యాన్ని వారికి పరిచయం చేయవలసిందే. ఐతే నా ప్రశ్న: వ్యక్తిత్వాన్ని, బుద్దిని వికసింపజేయటానికి మన పంచతంత్రం లాంటి కథలు ఎన్నుకొన్న పద్దతి ఈ కాలం పిల్లలకు పని చెయ్యదా?
పంచతంత్రాన్ని తక్కువగా అంచనా వెయ్యలేము. నా దృష్టిలో అందులోని "మనసుకి హత్తుకునే" శక్తి గొప్పది.
బహుశా ఆ జర్నలిస్టు గారి గోడు ఏంటంటే - సమకాలీన వాతావరణం ఉన్న కథలు కావాలని అయ్యుండచ్చు - ఈ ఆలోచన కూడా నాకు సబబే అనిపిస్తోంది. నీతి, ఫేంటసీ లతో పాటు పిల్లలు తమకు లాగా ఉండే పాత్రల్ని ఆదరిస్తున్నారని నేను గమనించాను.
మీ పోస్టు కోసం విపరీతంగా waiting !!
వీలైనంత త్వరలో బుక్కు(లు) చదివిన తరువాతే కామెంటుకొస్తా :) (నే ఓఠ్ఠి azkaban మాత్రమే చదివా , హారీ సిరీస్ లో మీరు సజెస్ట్ చేసే బుక్కేది ?? azkaban తప్ప , అన్నీ అనకండి ;) )
ఒక వేళ మళ్ళీ చదివినా నా ఓపీనియన్ మారక పోతే రౌలింగ్ అత్తకి వచ్చిన నష్టమేమీ లేదు గా ;)
పోస్టు రాయాలని చాలా కాలంగానే అనుకుంటున్నా. ఏడో పుస్తకం విడుదలకి ముందుగా ఆరో పుస్తకాన్ని ఒకసారి తిరిగి పఠిస్తున్నా. అది పూర్తి కాకుండానే ఏడోది వచ్చేసింది. అన్నట్టు అమెజాన్ వాడు వాగ్దానం చేసినట్టు, శనివారమే ఇల్లు చేరింది పుస్తకం. ఇప్పుడు మరి ఏడోది చదివెయ్యాలనే ఉబలాటం .. 759 పేజీలంటే మాటలా! :-)
సిరీస్ మొత్తమ్మీద -
మొదటిది - పుస్తకం చాలా బావుంది. సినిమా చెత్త.
రెండోది - పుస్తకం పర్లేదు. సినిమా పర్లేదు.
మూడు (అజకబాన్) - పుస్తకం బావుంది. సినిమా చాలా బావుంది.
నాలుగు - పుస్తకం బోరు. సినిమా చెత్త.
ఐదు - పుస్తకం బావుంది. సినిమా పర్లేదు.
ఆరు - పుస్తకం బావుంది.
ఏడు - పుస్తకం చాలా బావుంది ట!
మీరిది చదివారా: What is truly disturbing about J.K. Rowling’s Harry Potter series is not that it happens to appeal so much to children but that it happens to appeal so much to adults.
నవీనూ - తితిదే వారి ముద్రణ ఇంకా దొరుకుతోందా? పాటర్ పరంపరలో కూడా పిల్లలు (ఆ మాట కొస్తే పెద్దలు కూడా) నేర్చుకోదగిన సూక్తులు బానే ఉన్నై - వాటిని గురించి మరో టపాలో.
S - పుస్తకాలు కొనడం, చదవడం పెరిగినది పాటర్ కోసమేనట, ఆ అభివృద్ధి ఇతరత్రా వ్యాపించలేదని ఒక శోధన సమాచారం.
thanks for your comments on my short story. Incidentally, i'm going to read that out in a meeting this evening organised to remember the people I mentioned towards the end of the story.
kurmanath