నిన్న మా స్థానిక భారతీయ దేవాలయంలో అన్ని వయసుల పిల్లకాయలకీ ఏవేవో సాంస్కృతిక పోటీలు నిర్వహించారు. ఆ దేవాలయంలో చురుగ్గా పాల్గొనే స్నేహితుల ప్రోద్బలంతో నేను కూడా శ్లోకాలు చదివే ఒక పోటీకి న్యాయనిర్ణేతగా వెళ్ళాను.
అందులో వాళ్ళకి ఇచ్చిన అంశం విశ్వనాథాష్టకం లోంచి ఐదు శ్లోకాలు ఎంచి యిచ్చారు. పిల్లకాయలు బానే బట్టీ పెట్టారు. ఉచ్ఛారణ కూడా చాలా మట్టుకి చక్కగానే ఉంది, త అనాల్సిన చోట త అనీ, ద అనాల్సిన చోట ద అనే పలికారు, ట, డ అనకుండా. వొత్తులు కూడా చక్కగా పలికారు.
ముందొక ఇద్దరు పిల్లకాయలు చెప్పి వెళ్ళిన తరవాత మూడో వాడొక ఏడేళ్ల పిల్లగాడొచ్చాడు. వాడి ఇంటి పేరు వింటే ఏదో తెలుగు పేరులా ఉందే అనుకున్నా. సరే, పేర్రాసుకుని కానీవోయ్ అన్నా. అంతే, మనోడు, గుండె నిండా గాలి పీల్చుకుని ఉచ్ఛైస్వరంలో "గంగా తరంగ" అని రాగయుక్తంగా యెత్తుకుని "జటాకలాపంంం" అని రెండు మూడు గమకాలు పీకాడు. నేనులిక్కి పడ్డా. ఎందుకంటే, అప్పటిదాకా వప్పచెప్పిన ఇద్దరు పిల్లకాయలూ మామూలుగా, రాగాలూ యేవీ లేకుండా, సాధారణంగా సంస్కృత శ్లోకాలు చదివే పద్ధతిలో చెప్పి వేళ్ళారు. వీడిలా ఇంకో రెండు శ్లోకాలకి రాగాలు పీకింతర్వాత నాకు వెలిగింది - వార్నీ, అప్పుడెప్పుడో బాలసుబ్రమణ్యం శివస్తుతి అనే పేరిట విడుదల చేసిన రికార్డులో ఈ స్తోత్రం ఈ బాణీలో పాడాడు. మరి ఈ బుడ్డోడి అమంఆ నాన్నానో, లేక సంగీతం టీచరో సుబ్బరంగా ఆ నమూనాలో మనోడికి టరిఫీదు గుప్పేసినట్టున్నారు. ఏదేమైనా, శ్రుతి తప్పకుండా, గమకం చెడకుండా, బాగా పాడాడు పిల్లోడు.
సరే, ఇంకో ఇద్దరు పిల్లలైనాక మళ్ళీ ఇంకో తెలుగు పేరు వినొచ్చింది. ఈ సారి పదేళ్ళ బుడ్డది. ఈమె కూడా బాలు అడుగుజాడలో నడుస్తుందా లేదానని కుతూహలంగా ఎదురు చూశా. నా ఆశ నిరాశ కాలేదు. జమాయించి అందుకుంది .. "గంగా తరంగ" అని. ఈ సారి జటాకలాపం దగ్గర గమకం ఇంకొంచెం ఎక్కువ మెలికలు తిరిగింది, ఇందాకటి బుడ్డోడికంటే మూడేళ్ళు పెద్దది కదా, గమకాలు పీకడంలో నాలుగాకులెక్కువ చదివినట్టుంది. మొత్తానికి ఐదు శ్లోకాలు పూర్తయ్యే సరికి నా చెవుల తుప్పొదిలింది.
ఇంకాసేపటికి మళ్ళి ఇంకో తెలుగు పేరొచ్చింది. ఇది కూడా పదేళ్ళ పిల్ల. నేను గుసగుసగా నా తోటి జడిజితో చెప్పాను. చూస్తూ ఉండండి, ఈ పిల్ల కూడా ఇందాకటి ట్యూనులోనే పాడుతుంది అని. నా జోస్యం వమ్ము కాలేదు.
ఏదైతేనేం, మొత్తానికి డజను మంది పోటీ పడితే, మనోళ్ళు ముగ్గురు బాలు గమకాల్ని తమ గొంతుల్లో పలికించి మన తెలుగోళ్ళ పరువు నిలబెట్టారు.
మీరూ ఆ స్త్రోత్రామృతం రుచి చూడండి, బాలూ గొంతులోనే!
అందులో వాళ్ళకి ఇచ్చిన అంశం విశ్వనాథాష్టకం లోంచి ఐదు శ్లోకాలు ఎంచి యిచ్చారు. పిల్లకాయలు బానే బట్టీ పెట్టారు. ఉచ్ఛారణ కూడా చాలా మట్టుకి చక్కగానే ఉంది, త అనాల్సిన చోట త అనీ, ద అనాల్సిన చోట ద అనే పలికారు, ట, డ అనకుండా. వొత్తులు కూడా చక్కగా పలికారు.
ముందొక ఇద్దరు పిల్లకాయలు చెప్పి వెళ్ళిన తరవాత మూడో వాడొక ఏడేళ్ల పిల్లగాడొచ్చాడు. వాడి ఇంటి పేరు వింటే ఏదో తెలుగు పేరులా ఉందే అనుకున్నా. సరే, పేర్రాసుకుని కానీవోయ్ అన్నా. అంతే, మనోడు, గుండె నిండా గాలి పీల్చుకుని ఉచ్ఛైస్వరంలో "గంగా తరంగ" అని రాగయుక్తంగా యెత్తుకుని "జటాకలాపంంం" అని రెండు మూడు గమకాలు పీకాడు. నేనులిక్కి పడ్డా. ఎందుకంటే, అప్పటిదాకా వప్పచెప్పిన ఇద్దరు పిల్లకాయలూ మామూలుగా, రాగాలూ యేవీ లేకుండా, సాధారణంగా సంస్కృత శ్లోకాలు చదివే పద్ధతిలో చెప్పి వేళ్ళారు. వీడిలా ఇంకో రెండు శ్లోకాలకి రాగాలు పీకింతర్వాత నాకు వెలిగింది - వార్నీ, అప్పుడెప్పుడో బాలసుబ్రమణ్యం శివస్తుతి అనే పేరిట విడుదల చేసిన రికార్డులో ఈ స్తోత్రం ఈ బాణీలో పాడాడు. మరి ఈ బుడ్డోడి అమంఆ నాన్నానో, లేక సంగీతం టీచరో సుబ్బరంగా ఆ నమూనాలో మనోడికి టరిఫీదు గుప్పేసినట్టున్నారు. ఏదేమైనా, శ్రుతి తప్పకుండా, గమకం చెడకుండా, బాగా పాడాడు పిల్లోడు.
సరే, ఇంకో ఇద్దరు పిల్లలైనాక మళ్ళీ ఇంకో తెలుగు పేరు వినొచ్చింది. ఈ సారి పదేళ్ళ బుడ్డది. ఈమె కూడా బాలు అడుగుజాడలో నడుస్తుందా లేదానని కుతూహలంగా ఎదురు చూశా. నా ఆశ నిరాశ కాలేదు. జమాయించి అందుకుంది .. "గంగా తరంగ" అని. ఈ సారి జటాకలాపం దగ్గర గమకం ఇంకొంచెం ఎక్కువ మెలికలు తిరిగింది, ఇందాకటి బుడ్డోడికంటే మూడేళ్ళు పెద్దది కదా, గమకాలు పీకడంలో నాలుగాకులెక్కువ చదివినట్టుంది. మొత్తానికి ఐదు శ్లోకాలు పూర్తయ్యే సరికి నా చెవుల తుప్పొదిలింది.
ఇంకాసేపటికి మళ్ళి ఇంకో తెలుగు పేరొచ్చింది. ఇది కూడా పదేళ్ళ పిల్ల. నేను గుసగుసగా నా తోటి జడిజితో చెప్పాను. చూస్తూ ఉండండి, ఈ పిల్ల కూడా ఇందాకటి ట్యూనులోనే పాడుతుంది అని. నా జోస్యం వమ్ము కాలేదు.
ఏదైతేనేం, మొత్తానికి డజను మంది పోటీ పడితే, మనోళ్ళు ముగ్గురు బాలు గమకాల్ని తమ గొంతుల్లో పలికించి మన తెలుగోళ్ళ పరువు నిలబెట్టారు.
మీరూ ఆ స్త్రోత్రామృతం రుచి చూడండి, బాలూ గొంతులోనే!
Comments
ఇది బాలు గొంతు కాదు. రాము అనే గాయకుడిది. మా ఊరు శ్రీకాళహస్తిలో ఈ స్తోత్రం బాలుగారి గొంతులో ఎన్నోసార్లు విన్నాను.
narasimharaomallina@gmail.com
శ్రమ ఇస్తున్నందుకు మీరు నన్ను మన్నించాలి.
నేను ఎంత వెతికినా యు ట్యూబ్ లో బాలు గొంతులో ఈ అష్టకం దొరకలేదు.
మొత్తానికి పిల్లకాయలు ఆదరగొట్టారన్నమాట.
మనకీర్తి కిరణాలు వ్యాపిస్తున్నాయి. చాలా సంతోషం. ఆ చిరంజీవులకు శుభాశీశ్శులు.
మీకు అభినందనలు.
చింతా రామ కృష్ణా రావు.
నూతన సంవత్సరంలో మీ పాళీ మరిన్ని కొత్త రచనల్ని అందించాలని కోరుకుంటూ...ఉగాది శుభాకాంక్షలతో...
- శిరాకదంబం
ఆ సీడీలో కాశీలో మనం దర్శించవలసిన క్రమంలో శంకరాచార్యులు రచించిన స్తోత్రాలు తొమ్మిది వున్నాయి. నాకు బాగా నచ్చాయి. విశ్వనాథాష్టకం, అచ్యుతాష్టకం,కాలభైరవాష్టకం అప్లోడ్ చేసాను.
భావన చెప్పినట్లు ఒక రికార్డ్ రాగానే దాన్నే ఫాలో అయిపోవడం తప్ప మనకి వేరే ఛాయిస్ ఏముంది? లింగాష్టకం కూడా విజయవాడ ఆలిండియా రేడియో వాళ్ళు పాడిన రికార్డ్ ముందు బాలూ రికార్డ్ పేలవంగా (కనీసం నాకు) ఉంటుంది. అయినా తన రికార్డ్ కే శ్రోతలెక్కువ!ఆలిండియా రికార్డ్ సంగతి చాలా మందికి తెలీదు కూడా! మార్కెటింగ్ లేదుగా మరి!
పిల్లలకు శ్లోకాలు నేర్పడం సంతోషించదగ్గ విషయం. వాళ్ళు గమకాలతో సహా పాడ్డం ఇంకా సంతోషించదగ్గ విషయం! అంత చక్కగా నేర్చుకున్నందుకు పోటీలో పాల్గొన్న పిల్లలందరికీ ఇచ్చేయాలి ప్రైజులు!
విశ్వనాథాష్టకం కూడా చాలా బాగుంది.